Archive for May, 2006|Monthly archive page
សាកល្បងប្ដូរចំណងជើងចំរៀងជាខ្មែរយូនីកូដក្នុង Windows Media Player
Comments (16)
អ្នកអាចធ្វើការប្ដូរឈ្មោះចំណងជើងបទចំរៀងជាខ្មែរយូនីកូដបានដោយ៖
១. ចុចកណ្ដុរស្ដាំ លើឈ្មោះបទចំរៀងដែលអ្នកចង់ប្ដូរជាអក្សរខ្មែរ
២. ជ្រើសម៉ឺនុយបរិបទ Advanced Tag Editor
៣. ប្ដូរឈ្មោះក្នុងប្រអប់ Title
៤. ចុចប៊ូតុង OK
Internet Party នៅឯផ្សារទំនើប BS
Leave a Commentកាលពីថ្ងៃទី ១៥ ខែឧសភា ឆ្នាំ ២០០៦ ក្រុមហ៊ុន MANICH ENTERPRICE បានរៀបចំកម្មវិធី Internet Party មួយនៅឯផ្សារទំនើប BS។ ក្នុងពិធីនេះមានការរៀបចំការបង្ហាញម៉ូត ការពិភាក្សាអំពីសុវត្ថិភាព អ៊ីនធឺណិត ការជជែកកំសាន្ដលើអ៊ីនធឺណិត ព្រមទាំងមានការដាក់តាំងបង្ហាញនូវផលិតផលផ្សេងៗជាច្រើនទៀត ក្នុងនោះក្រុម KhmerOS ក៏បានដាក់បង្ហាញនូវកម្មវិធីកុំព្យូទ័រភាសាខ្មែរ យូនីកូដខ្មែរ ព្រមទាំងប្រព័ន្ធដំណើរការស៊ូស៊ី លីនុច កំណែ១០.១ ជាភាសាខ្មែរផងដែរ។
អ្នកចូលរួមទស្សនាកំពុងតែបើកមើលកម្មវិធីកុំព្យូទ័រភាសាខ្មែរ។
Cambodia ICT World Expo
Comments (1)កាលពីថ្ងៃទី ៤ ដល់ ៦ ខែ ឧសភា ឆ្នាំ ២០០៦ ប្រទេសកម្ពុជាបានប្រារព្ធពិធីមួយគឺICT World Expo នៅសណ្ឋាគារ Cambodiana ដែលរៀបចំឡើងដោយ NiDA និង IDG។ ខ្ញុំបានទៅចូលរួមនឹងគេដែរ ។
នៅទីនោះខ្ញុំឃើញគេដាក់តាំងលក់នូវ Printerម៉ាក EPSON, ម៉ាស៊ីនថតចម្លងឌីជីថលម៉ាក Gustetner, ទស្សនាវដ្ដីកុំព្យូទ័រ ទស្សនាវដ្ដីទូរស័ព្ទ OS Novell ក្រុមហ៊ុនផ្ដល់សេវាកម្មអ៊ីនធឺណិត (AngkorNet, City Link,…) និងគ្រឿងកុំព្យូទ័រទំនើបៗជាច្រើនទៀត ។
ក្រុមហ៊ុន VNPT របស់ប្រទេសវៀតណាមក៏បានចូលរួមផងដែរ។
Samsung និង Prolink បើកសិក្ខាសាលាអភិវឌ្ឍន៍ពាណិជ្ជកម្ម
នៅល្ងាចថ្ងៃទី០៧ ខែមេសា ឆ្នាំ២០០៦កន្លងទៅនេះនៅសណ្ឋាគារឡឺរ៉ូយ៉ាល់បានរៀបចំសិក្ខាសាលាស្ដីពីការអភិវឌ្ឍន៍ពាណិជ្ជកម្មនៃផលិតផល Samsung និង Prolink ឆ្នាំ២០០៦។
លោក អ៊ឹង សែ ប្រធានគ្រប់គ្រងទូទៅរបស់ក្រុមហ៊ុនភី ធី ស៊ី បានមានប្រសាសន៍ថា ក្រុមហ៊ុនបានសហការជាមួយដៃគូរ ជាមួយក្រុមហ៊ុន FIDA International PTE Ltd អស់រយៈពេល៦ឆ្នាំមកហើយដើម្បីធ្វើឲ្យមានការចែកចាយផលិតផលបច្ចេកវិទ្យានៅលើទីផ្សារកម្ពុជាដែលកំពុងតែវិវត្តន៍ទៅរកភាពរីកចម្រើន មិនតែប៉ុណ្ណោះ ក្រុមហ៊ុនភី ធី ស៊ី ក៏ជាដៃគូរដ៏ល្អជាមួយ ក្រុមហ៊ុន Samsung Asia PTE Ltd រយៈពេល៣ឆ្នាំផងដែរ។ ហើយក្រុមហ៊ុន Samsung Asia PTE Ltd តែងតែគាំទ្រ និង ជឿទុកចិត្តលើក្រុមហ៊ុនភី ធី ស៊ីក្នុងការចែកចាយផលិតផលទៅឲ្យអតិថិជនអ្នកប្រើប្រាស់ផ្ទាល់ និងអ្នកទទួលចែកចាយបន្តនូវបច្ចេកវិទ្យារបស់ខ្លួន។
ប្រភព ៖ ទស្សនាវដ្ដីទីក្រុងព័ត៌មានវិទ្យា
Online ផ្តល់ជូនសេវាអ៊ីនធឺណិត Unlimited ក្នុងតម្លៃសមរម្យ
នៅពេលថ្មីៗនេះក្រុមហ៊ុន Online បានផ្ដល់ជូននូវសេវាកម្ម DSL ថ្មីមួយដែលប្រើអ៊ីនធឺណិតគ្មានដែនកំណត់(Unlimited) ដោយគ្រាន់តែចំណាយថ្លៃសេវាប្រចាំខែ ត្រឹមតែ $219 ប៉ុណ្ណោះ អតិថិជននឹងអាចទទួលបាននូវសេវាកម្មដ៏ល្អឯកនេះ។ ការផ្ដល់ជូននូវសេវាកម្មថ្មីនេះជាការចូលរួមមួយដើម្បីបំពេញតម្រូវការរបស់អតិថិជននៅគ្រប់ស្ថាប័ន និងក្រុមហ៊ុននានាដែលត្រូវការប្រើប្រាស់អ៊ីនធឺណិតច្រើន ។
ប្រភព៖ ទស្សនាវដ្ដីវិទ្យាសាស្រ្តកុំព្យូទ័រ
ដោះការបង្ហាញឈ្មោះវាល
ពេលខ្លះពេលអ្នកចុចបញ្ចូលឈ្មោះវាល ឧ. លេខទំព័រ វាមិនបង្ហាញ ជាលេខទេតែវាបង្ហាញជាអត្ថបទជំនួសវិញ។
ឧ. វាបង្ហាញអត្ថបទ លេខទំព័រ ជំនួសឲ្យលេខទំព័រ ១ ឬ ២។ល។
អ្នកត្រូវអនុវត្តដូចខាងក្រោម៖
១. ជ្រើសម៉ឺនុយ មើល រួចដោះធីកចេញពី ឈ្មោះវាល
